القائمة الرئيسية

الصفحات

نصائح

حقيقة Antares Trade لربح من الانترنت

 


حقيقة موقع Antares Trade اشتهر الموقع ده في الايام الماضية من بعض اليوتيوبر ع انه موقع ربحي وقامو بوضع عنوان مثيرة جدا منهم من قال اربح الااف الدولارات منه . فما حقيقة الموقع وهل هو نصاب ام لا ولكن قبل كل هذا ارجوك حكم عقلك قليلا عندما تري كل هذه الاشياء فهيا بنا نبدأ 

هل موقع Antares Trade يدفع ام نصاب !

دعني اخبرك قليلا عن الموقع باختصار شديد فكرة الموقع إنه بياخد منك فلوس يقولك هستثمر الفلوس لمدة 280  . يعني مثلا بتشتري منهم باقات كل باقة طبعا بسعر معين ورقم معين تمام بعدها بيدأ يديك ربح يومي .. مثلا اشتريت باقة بـ 50 $ الموقع سيعطني 1.5 يوميا وهكذا كمان بيقولك انك كلما سيبت الفلوس ف الموقع اكثر نسبتها بتزيد اكتر .. لحد كدة وتمام وبعدين !! المفروض اني لما ابقي معايا موقع هبيع منتج ما او هشغل الفلوس دي في حاجة هنا بيقولك انه هشيغلها في العملات الرقمية زي اي موقع نصاب اللي سمعنا عنهم في الفترات الاخيرة .. لكن معظم العملات اللي بيستخدمها الموقع وبيدعي ان العملات دي تبعهم مش موجودة اساسا ع coinmarketcap بمعني اخر انها عملات وهمية .. لا كمان بيقولك انه هيبدأ العملة دي بسعر 1 دولار وبعدها بسنه هتكون 1000$ والسنة اللي بعدها 2000$ يعني كله كلام وهم وده طبعا حاجة صعب حد يتوقعها 

المشكلة الثانية في الموقع Antares Trade انه بيعتمد اعتماد كلي ع الريفرال " الاحالة " وخططة كثيرة فيها عشان كدة هتلاقي ناس كتير بتشرح الموقع وطبعا لازم يحطلك الموقع ده وهيوهمك بارقام فلكية انك هتربحها ..

الموضوع باختصار عبارة عن Ponzi Sheme (أو Ponzi scam) لكن بصورة رقمية... صاحبنا Ponzi ده كان أول واحد يعمل النوع ده من النصب، وهو الأب الروحي لكل شركات التسويق الهرمي والتسويق الشبكي وشبكات توظيف الأموال والهري اللي بيحصل من زمان، والموضوع فكرته ثابتة تقريبًا على مر العصور... هشرحها لكم هنا باختصار علشان لو حد حب ينصب عليكم تاخدوا بالكم: -
 أول حاجة النصاب لازم يكون بيقدم منتج أو خدمة معينة يبرر بها المكاسب اللي هيديك منها الأرباح... مصنع مخلل مثلًا أو Online Store أو منتجات عناية شخصية... أو أي حاجة حرفيًا؛ الأخ "بونزي" مثلًا كان بيقول إنه بيشتغل في صكوك البريد، ودي كانت حاجة بتشتريها علشان تشتري بها طوابع بريد من أي مكان في العالم... - تاني حاجة إنه بيوعدك بأرباح خرافية وقصور وطيارات خاصة وحاجات من دي، وممكن بالفعل يديك أرباح في أول كام شهر، لكن عمره ما هيديك فلوس تساوي اللي انت دفعته إلا لو كنت من المؤسسين! - المؤسسين دول هم كام واحد بيبدأ النصاب يتواصل معاهم بشكل ودي علشان ياخد فلوسهم يشغلها، وغالبًا ما بيأكد عليهم إن الموضوع ده يفضل سر، وإنه بياخد فلوسهم محبة وكدة، وبعدين يبدأ يديهم أرباح خرافية فتظهر عليهم آثار النعمة ويبدأ المقربين منهم يتوسلوا لهم إنهم ياخدوا فلوسهم يشغلوها في مصنع الخيار المخلل اللي بيكسبهم دهب ده! 

 - المرحلة اللي بعد كدة إن النصاب بياخد الفلوس من معارف المؤسسين، بشرط إنهم ياخدوا عمولة من أرباح أي واحد يجيبوه، وقرايبهم كمان ياخدوا عمولة من أي حد، وهكذا... - غالبًا ما بتكون نسبة الأرباح دي مشروطة بإن كل واحد يضمن النصاب للي تحته؛ يعني أنا هديك 10 جنيه من أرباح كل واحد تجيبه، بشرط إنك تضمَنّي عنده، ولو حصلت أي حاجة انت اللي هتشيل الليلة! - طيب الأرباح دي بتيجي منين؟ أرباح كل واحد بتيجي من اللي دفعه ومن اللي دخل بعده غالبًا؛ يعني لو انت قعدت فترة وبعدين حبيت تسحب فلوسك ممكن تاخدها عادي طالما العجلة دايرة الناس بتدفع، لكن غالبًا الورق اللي بتضمن به النصاب لا يمكن تاخده... - إمتى السلسلة بتقف؟ غالبًا بتنتهي القصة دي لما النصاب بيجمع المبلغ المطلوب، أو لما حد بيبدأ ينخرب وراه ويحذر الناس منه، فتبدأ الفلوس اللي بيدفعها الناس تقل وتبدأ الناس تطالب بالفلوس اللي دفعوها؛ فالنصاب بيطير...

 - مين اللي بيشيل الليلة بقى؟ غالبًا اللي اقتنعوا بالنصاب وجابوا له ناس وضمنوه قدامهم، والظريف إن مقدار المسؤولية والمبالغ المستحقة على كل واحد بتتناسب طرديًا مع عدد الناس اللي دخلهم وكمية الأرباح اللي كانت بتدخل له من العمولات؛ فحتى المؤسسين بيروحوا في داهية مهما كسبوا! نصيحتي إنك لو عندك فلوس عاوز تستثمرها، ابدأ مشروعك الخاص أو استثمر في حاجة ذات قيمة فعلية زي البورصة والذهب وخلافه، لكن ماتحطش فلوسك في حاجة قبل ما تدرس سوقها كويس.

تمام اكيد كدة فهمت قصة موقع Antares Trade كمان عايز اقولك حاجة الموقع ده شغال بشكل غير رسمي وملوش اي اوراق يعني انت بتحط فلوسك في منصة مش موجودة اساسا .. ودي حاجة تانية المفروض تاخد بالك منها قبل ما تحط فلوسك في اي موقع 

تعليقات