القائمة الرئيسية

الصفحات

نصائح

شاومي هتعلن عن أول موبايل في العالم بعدسة كاميرا سائلة

 


تقنية جديدة خرافية تعلن عنها شاومي لتطبيقها في هواتفها القادمة ونتظرهها في هاتف قادم بكاميرا سائلة وهتفير عالم التصوير بالموبايل وهتنافس بيها شركات كتيرة . فتعال نشوف عنها نبذة عنها لحد ما نعرف عنها كل حاجة في المؤتمر القادم ..

ما هي العدسة السائلة في هواتف شاومي


الإسبوع القادم ، شاومي هتعلن عن أول موبايل في العالم بعدسة كاميرا سائلة ،  الطريقة اللي بتشتغل بيها وفايدتها للكاميرات، وأنا شايف إنها هتغير عالم التصوير بالموبايل، هتكون ثورية لو إتطبقت بشكل صح. بس اللي أنا أعرفه هو إن العدسات السايلة أو الـ "Liquid-Filled Lens" بتاعت الكاميرات (مش العيون) بتعتمد على إن يكون ليها مجال كهربائي يغير في شكل السائل عشان يبقى شبه عدسة تدخل الضوء من زوايا مختلفة، ممكن يتم تغيير الـ Focal Length بتغيير المجال شوية، ودي ليها فايدة عظيمة جداً كاميرا واحدة في موبايلك بعدسة سائلة هتبدل صف الكاميرات اللي في موبايلك حالياً، العدسة هتقدر تتحول من Telephoto لـ Ultra Wide وما بينهم، هتدي إمكانيات رهيبة في الـ Zoom، وهتبقى أحسن من أحسن كاميرا Macro في تصوير الحاجات الصغيرة لإنك ممكن تخلي العدسة تبقى Flat بالكامل بدل الـ Convex Shape وساعتها تبقى كإنها مايكروسكوب! شاومي مش هي اللي إخترعت الـ Liquid Filled Lens للكاميرات، شركات كتير أصلاً شغالة على الموضوع ده عشان تقدمه للموبايلات ومنها Huawei اللي طلع عنها تسريبات من فترة إنها عاوزة تعمل موبايلاتها الجديدة في 2021 بالعدسات دي، بس الفكرة في الأساس تقريباً مسروقة من Apple، لإن في يوليو 2019 سجلت Apple براءة إختراع بكود "US 20200096770 A1" بتستخدم فيها نفس فكرة العدسات دي تحت اسم "Tunable Lens"، بس براءة الإختراع متسجلة لتطبيق إستخدام العدسات دي في النظارات الـ VR لإنها هتكون أحسن من العدسات الإزاز العادية في نقل الصورة بنقاء للعين وكمان تبقى Realistic في المنظور بتاعها (مايبقاش فيه "Fish-Eye Effect") وتبقى أحسن للناس اللي نظرهم ضعيف. التصوير هيتغير بالكامل بفضل النوع الجديد ده من العدسات والبصريات هتفرق جداً.

دايما عيلة موبايلات Mi Mix بتبقى فيها مزايا عجيبة وغريبة من شاومي، والمرة دي قد تكون الأغرب! لي جون مدير شاومي التنفيذي نشر على شبكة ويبو الاجتماعية وقال ان مي ميكس الجاي هيبقى أول موبايل في العالم بكاميرا معتمدة على عدسات سائلة. سائلة اللي هي جاية من سوائل جون قال ان العدسات المجنونة الجديدة شاومي عملتها بنفسها، هتسمح للمستخدم انه يتحكم بدقة في شكل السطح الكروي السائل الخاص بالعدسة من خلال جزء ميكانيكي، بحيث يبقى سهل جدا ظبط الـFocus في تصوير، بدقة مرعبة!!في نفس الوقت، جون قال ان العدسات الجديدة هيبقى ليها خصائص جديدة من حيث طريقة نشر الضوء، كمان بتقدر تخلي درجة تشتت أشعة الضوء على سطح العدسة لأقل مستوياتها، وبسبب خصائصها المختلفة عن كل العدسات الموجودة في السوق..جون قال: " العدسات دي ممكن تستخدمها عدسة زووم أو عدسة ماكرو.. حسب الاستخدام".بحكم اي حاجة بشوفها لأول مرة، فقولت اعمل لفة ع النت كدا وأفهم ايه حوار عدسة شغالة بسوائل دي؟! لقيت ان العدسات السايلة دي هي فعلا بجد معتمدة على سائل او اكتر، بحيث انه بيتم التحكم في حركة وشكل سطح السائل/سوائل بحيث يغني ده عن الاستعانة بأجزاء ميكانيكية تقليدية في تكوين العدسة! الموضوع ده منتشرة جدا استخدامه في القطاع الصناعي وعمليات القطع واللحام والتصوير الصناعي والكلام ده كلو، ومن مزاياها:1. سرعة عالية جدا في تغيير بؤرة التركيز Focus2. سرعة عالية جدا في التحكم في الأشعة الضوئية الساقطة على العدسة3. سهولة التحكم في عمق الميدان Depth of Field وده من غير ما تحتاج لأي أجزاء ميكانيكية متحركة4. عدم وجود أجواء متحركة بيخلي حجم العدسة ضئيل جدا لانه ف الأساس معتمد ع السوائل وحركتها وبالتالي ده هيوفر مساحة ضخمة في تصميم الموبايلات5. العمر الافتراضي للكاميرات المعتمدة على سوائل تقريبا 5 مليون صورة مقارنة بـ 100 ألف صورة من الأنظمة الميكانيكية ازاي بيتم التحكم في سطح السوايل مثل عشان تظبط الفوكس أو عشان تحولها من عدسة زووم الى عدسة ماكرو زي ما بيقول مدير شاومي؟!فيه 3 طرق (اللي لقيتهم حتى الآن) للتحكم في سطح وشكل السوائل على عدسات الكاميرات: الاهتزازات الصوتية Soud Piezoelectric الترطيب الكهربائي Electrowetting استخدام مواد بوليمرية قادرة تغير شكلها
29 مارس هنعرف تفاصيل أكتر ونكتشف قدرات الكاميرا الجديدة من شاومي

تعليقات