اذا كان عندك منتج سواءً كان منتج مادي او منتج رقمي وماتعرف وين تسوق له احب اقولك انو التيك توك افضل برنامج تقدر اسوق فيه منتج (من وجهة نظري ) خوارزميات البرنامج تسهل عليك الوصل للمتابعين بطريقة سريعة ولكن بشروط وبطرق لازم تتقنها عشان توصل لاكبر عدد من الناس :
ظبط غلاف الفيديو لتيك توك
غلاف المقطع لازم يكون جذاب جدا حتى تخلي المتابع يتحمس مشاهدة المقطع وحاول يكون الغلاف عنوان مشوق و واضح
بداية المقطع مهمة جدا
هذي النقطة مهم جدا جدا جدا ركز معي فيها ركز على اول ٣-٥ ثواني في المقطع وحاول انها تكون خارجه عن المألوف ويكون شي شاطح ليه طيب؟ حتى تشد انتباه المتابع انه يكمل المقطع حتى النهاية وانت بأسلوبك تعرض المنتج بطريقة الصحيحة
طريقة عرض الفديو للجمهور تيك توك
حاول بقدر المستطاع ان المقطع يكون سريع اعرض منتجك قول تفاصيله استعرضه بالكامل امام المتابع لاتجي بداية المقطع وتقول (السلام عليكم ورحمة الله اليوم عندنا منتج …الخ) هذا اسلوب تقليدي وقديم ولن يشد انتباه المشاهد
ظبط الصوت للفيديوهات
احرص على ان تكون جودة صوت المقطع ممتازة الصوت يكون مو واطي مره ولا عالي مره يكون ممتاز ومناسب
ظبط الهاشتاج لـ Tik tok
يخوان مهم جدا جدا جدا انك تحط هاشتاقات على المقطع حقك ولاتحط اي هاشتاق حط الهاشتاق اللي عليها تفاعل عالي وملاين الناس يستخدمونها لانها بترفع من نسبة انتشار مقطعك
ظبط الحساب لتيك توك
حساب لازم يكون متخصص في شي معين لا تحاول تتفرع كثير اذا تبي تسوق لمنتج سوق له بدون ماتنزل اي شي ماله دخل في المنتج
الاستمرارية مهمة لنمو في تيك توك
حاول بقدر المستطاع انك تنزل بشكل يومي حاول تكون موجود في المنصه بشكل دائم لاتقطع كثير انشر مقاطعك وانشر منتجك اذا ماجاك تفاعل في المقطع الاول نزل مقطع ثاني وثالث ورابع الى ان ينتشر حسابك وتطلع فوووووق اهم شي انك تستمر بتنزيل واقل شي يوميًا مقطع
كون مع الترند
اذا كان فيه ترند وكل الناس تشارك فيه انت بذكاء منك وبطريقتك شارك معهم في الترند ودخل منتجك حتى يكون تحت الانظار ويكون شي مألوف للناس
البايو
اكتب في البايو انت بتقدم ايه لا تكتب سيرتك الشخصية ترا الناس ماتبيها في التيك توك وكمان في البايو حط كل حساباتك الشخصية عشان الناس تتواصل معك واذا عندك موقع كمان حطه عشان ثقة الناس لك
تابع الناس نفس محتواك
تابع الناس اللي نفس مجالك وتفاعل معهم حتى حسابك يطلع للناس ويشوفونك
في النهاية دي كانت بعض النصائح لعمل مشاهدات عالية في منصة tiktok و الحصول علي زيادة في المشاهدت لمنصة التيك توك وزيادة للمتابعين علي المنصة
