كل ما تحتاج معرفتة قبل شراء سماعة شاومي الجديد Redmi Buds 3 Pro . النهاردة معانا واحدة من سماعات ريدمي هنتعرف عليها و مواصفاتها بشكل كامل وسعر Redmi Buds 3 Pro في مصر لنري هل ابدعت شاومي في السماعة ام لا
مميزات و عيوب سماعة Redmi Buds 3 Pro
السماعة الريدمي بودز 3 برو بتيجي بـ Case مشابه جداً بسماعة Google Pixel Buds بشكل صريح و لكن التصميم هنا إنسيابي وعملي لـ Case بتصميم رأسي بيضاوي وكمان الخامات فخمة و مائلة للمطاط بيخلي مسكتها ممتعة والبباب متماسك ومش خفيف محكم في حالة الفتح والقفل و بمقاومة مميزة والـ Case نفسه فيه لمبة وحيدة LED والمنفذ المستخدم Type C مع دعم الـ Case للشحن اللاسلكي..
السماعات Redmi Buds 3 Pro نفسها للوهلة الأولى تحسها إمتداد لتصميم الـ Airdots ولكن ده مش حقيقي، التصميم هنا جديد كلياً ومريح وثابت بشكل مفاجئ وخاماتها ممتازة وسطحها الخارجي إللي بيعمل باللمس معمول بطبقة شبيهة للزجاج مع إنعكاسات لطيفة مش مبالغ فيها..
الصوت: هتاخد من الريدمي بودز 3 برو تجربة صوتية ممتازة من ناحية وضوح وتفاصيل طبقات الصوت بشكل متوازن وممتع ولكن في مشكلة ان الـ Bass غير مضخم لو إنتا من عشاق الـ Bass الـ Over فهيا مش هتناسبك، كمان علو الصوت عند أعلى درجة مقبول يعني لو بتحب علو الصوت يكون بدرجات مرتفعة جداً فبرضو مش دي السماعة إللي هتناسبك
المايك فالمكالمات: بالنسبة للنوع ده من تصميم السماعات وإللي هنسميه مجازاً الـ Airdots Design فطبيعي توقعاتي كانت منخفضة بسبب إن المايكات بتكون فأبعد نقطة ممكنه بالمقارنة ببقاي الستايلات لسماعات الـ TWS ولكن المفاجأة هنا إن المايك فوق الممتاز indoor وجيد جداً جداً outdoor لحد مستوى إزعاج مرتفع نسبياً، أما فالحالات الـ Extreme من الإزعاج أداؤه بيبتدي ينهار مع مستويات الدوشة المتغيرة يعني في حالة الرياح الشديدة أو الأصوات المزعجة العالية المتقطعة وإللي هتلاقيه إن معالج السماعة مبيلحقش يعالج صوتك بالسرعة الكافية مع المتغيرات، فالمجمل يعتمد عليها فالمكالمات في كل الظروف ما عدى الظروف عالية الإزعاج..
تعال نشوف باقي مواصفات Redmi Buds 3 Pro والحاجات المبهرة اللي فيها ع الرغم من سعرها
العزل "ANC": وهنا بدون نقاش ده أفضل عزل ضوضاء متغير في الفئة بعزل حتى 35dB وبقول متغير لأن السماعة بتعتمد على تقنية جديدة في تغيير مستوى العزل حسب البيئة المحيطة والأهم إن في وضع الـ ANC مفيش أي نوع من أنواع التأثيرات على الصوت إللي بتشغله أو جودته ولا هتلاقي أي نوع من أنواع الهيسينج أو التشويش أو أي حاجة تبوظلك التجربة، عزل مظبوط بمستوى لأول مرة أشوفه في الرينج السعري المتوسط ده..
الـ transparency mode أو الأويرنس مود: وهنا بلمسة مطولة على سطح السماعة هيتم تفعيل وضع الأويرنس مود إللي بيخلي مايكات السماعة تدخلك الأصوات المحيطة وكأنك لابس سماعة من الستايل الـ Open زي الـ Airpods العادية وإللي عجبني إنه معمول صح برضو زي ما عملو فالـ ANC فالأصوات إللي واصلالك مش إلكترونية زي أغلب السماعات إللي فيها الخاصية دي وبرضو مفيش أي نوع من أنواع التأثير على الصوت إللي بتشغله أو جودته..
حساس الإيقاف التلقائي: لما تشيل واحده من السماعات بيتم إيقاف الموسيقى تلقائياً وبإستجابة سريعة ولما ترجعها لودنك بيتم إستكمال الموسيقى.
الإتصال بجهازين في نفس الوقت: تعتبر Redmi Buds 3 Pro من السماعات النادرة جداً إللي بتدعم الخاصية دي وبشكل مظبوط جداً وسريع أكتر من توقعاتي، شغالة بكفائة مع IOS و Android و Windows وللتوضيح فإنتا بتخلي السماعة تتوصل على جهازين ومثلاً بتسمع حاجة من جهاز فلو شغلت محتوى أو جاتلك مكالمة عالجهاز التاني بيوقف اللي بتسمعة على الجهاز الأولاني وبيحولك للتاني بكل سلاسة وبإستجابة سلسة بدون أخطاء.
التحكم: لمسة واحدة على سطح السماعة مبتعملش حاجة وده عشان يمنع أي لمسات غير مقصودة أما لمستين لإيقاف وتشغيل المحتوى و 3 لمسات للتقليب بين التراكات ولمسة مطولة للتحويل بين وضع العزل و الأويرنس مود، التحكم في اللمس مظبوط من ناحية الحساسية وصعب تغلط وإنتا بتستعمله.
البطارية: زمن الإستماع ممكن يوصل لـ 6 ساعات لكل سماعة ولكن مع تفعيل الـ ANC والإستخدام المختلط في المكالمات والإستماع ممكن تقعد معاك نص المدة وإللي هوا مش مميز ومش سيء بالنسبة لمعايير الفترة دي..
السلبيات: معدل التأخير موجود بشكل طفيف في مشاهدة المحتوى قدرت أتقبله ولكن غير مناسب مع الألعاب ومفيش وضع مخصوص للألعاب في السماعة فلو هدفك الألعاب مش هتناسبك..
سعر سماعة Redmi Buds 3 Pro هو 1399
الخلاصة في سماعة الريدمي بودز 3 برو
الكثير من المميزات والاهم إنهم شغالين بكفاءة ، سرعة إستاجبة مميزة جداً فالإتصال أو قطع الإتصال عن الموبايل وANC حقيقي فعال فالإستخدام وهتلاقي نفسك بتستعمله كتير حتى بدون سماع موسقى ووضع أويرنس مود حقيقي ومايكات يعتمد عليها وتشيبسيت من فئة عالية سريعة الإستجابة وإمكانية إتصال بجهازين في نفس الوقت وشحن لاسلكي ومقاومة رشات المياه بمعيار IPX4 وخامات محترمة وتصميم شيك وجودة صوت محترمة ولكن.. صوت مش عالي جداً وغير مضخم وبدون وضع مخصص للألعاب يخلوها مش مناسبة لشريحة من الناس..
