هنتعرف علي كل حاجة تخص تطبيق انستا باي Instapay وهو تطبيق لتحويل الاموال بين البنوك المختلفة في نفس اللحظة . بيكون باشراف البنك المركزي دلوقتي وعن طريق تطبيق انستا باي هتقدر تحول من بنك لاي بنك اخر بداخل مصر وتقدر تربط الحساب ب اكثر من حساب لنفس الشخص .
شركة بنوك مصر؛ او اختصارا EBC ودي شركة تأسست سنة 1995 بشراكة بين البنك المركزي ومعظم البنوك المصرية؛ لكن في 2019 قرر 14 بنك يخرجوا منها والمركزي اشترى الحصص بتاعتهم وبقت حصته تقريباً 60% من الشركة وبقى الملاك هم البنك المركزي والبنك الأهلي وبنك مصر وبنك الاستثمار القومي بس. الشركة دورها تعمل منظومات تساعد العملية المالية؛ يعني مثلا سنة 1997 عملوا شبكة ماكينات 123 وسنة 2013 اطلقوا الدفع بالهاتف اللي لاحقا بقينا عارفينه فودافون كاش واتصالات كاش ومحافظ البنوك... واشهر خدمة ليهم دلوقتي هي منظومة (ميزة).
فكرة تطبيق انستا باي instapay
فكرة البرنامج دا انه يربط البنوك ببعضها مع المحافظ الهاتفيه.. يعني عاور تشوف رصيدك في بنك CIB والبنك الاهلي وبنك QNB من نفس المكان شغال؛ تحول بينهم شغال مباشرة.
البنوك المدعومة في انستا باي insta pay
حاليا البنوك المدعومة هي البنك الأهلي وبنك مصر وبنك اسكندرية و EG Bank و البنك العربي و بنك CIB وبنك QNB بس لكن تباعاً البنوك الأخرى هتنضم خاصة مع انتشار البرنامج.
التسجيل في انستا باي instapay
- هتنزل البرنامج من تليفونك اللي عليه رقمك في البنك نسخة أبل من هنا نسخة الأندرويد من هنا
- في الأندرويد عادي بعت رسالة للتأكد من الرقم وتمام خلص لكن في الاي فون لازم تشغل الداتا (تقفل الواي فاي) رغم انه هيبعت SMS يعني لتأكيد التسجيل.
- المهم سجلت دخول؛ دلوقتي بقي دخل كارت حسابك في البنك المذكور في اعلي وضيفه ودخل ال PIN بتاع الكارت ولو عندك في البنك دا أكثر من حساب هيقولك عاوز تضيف انهي حساب.
- بعد كدة بدخل اسم حساب خاص بيك يوزر تقدر تستلم من خلالها فلوس من غير ما يبقي معاه اي بيانات
- هيطلب منك البرنامج تدخل PIN او رقم سري خاص بيه هو بس؛ عشان العمليات اللي تعملها عالحساب دا من البرنامج؛ الرقم السري من 6 أرقام مش 4.
الأسئلة المهمة عن استخدام منصة Instapay Egypt
- قد يكون لدي المستخدم عدة حسابات مسجلة، ما هي الحسابات التي يمكنه استخدامها لإرسال الأموال؟ تجيب المنصة على ذلك بأنه يمكن إرسال الأموال من أي حساب مضاف، سيُطلب منك تحديد الحساب الذي تريد استخدامه لإرسال الأموال.
- ما هي تفاصيل المستفيد التي تحتاجها لإرسال الأموال؟ يمكن للمستخدمين إرسال الأموال عن طريق إحدى بيانات المستفيدين الآتية: عنوان التعريف اللحظي. رقم الهاتف المحمول. رقم الحساب البنكي أو رقم الحساب المصرفي الدولي. رقم أي بطاقة إلكترونية بطاقة ميزة.
- هل توجد طريقة للتحقق من حساب المستفيد قبل إرسال الأموال؟ بالطبع، تقوم منصة Instapay Egypt باستعادة معلومات المستفيد كما هو مسجل في البنك للتحقق من صحة المعلومات.
- هل هناك حد لمقدار الأموال التي يمكن إرسالها؟ 50 ألف هو الحد الأقصى للمعاملة الواحدة، ويوجد حدود أخرى لكل حساب بنكي وفقاً لكل بنك.
- ما هي الخدمات الأخرى التي يمكن القيام بها من خلال تطبيق Instapay Egypt ؟ يمكنك إرسال واستقبال الأموال في نفس اللحظة من وإلى أي شخص. يمكنك التحقق من رصيدك البنكي/تاريخ المعاملات. يمكنك إرسال الأموال إلى أي نوع بطاقة إلكترونية ومحافظ ميزة الالكترونية.
- كيف يمكنني استقبال الأموال من خلال التطبيق؟ يمكنك ذلك من خلال مشاركة عنوان الدفع اللحظي الخاص بك أو رقم الهاتف المحمول أو بدأ طلب دفع.
- عند تلقى الأموال وأيضاً لدي حسابات متعددة، كيف أعرف الحساب الذي ستذهب إليه الأموال؟ سيتم تلقي الأموال على الحساب الذي قمت بتعريفه كحسابك الرئيسي.
- -هل هناك حد لاستقبال الأموال؟ يتم تحديد الحد بواسطة البنك لكل حساب.
- تم إرسال الأموال إلى المتلقي الخطأ. هل يمكنني استعادة التحويل؟ لا يمكن استعادة الأموال من عملية تحويل ناجحة.
- تم خصم المبلغ من حسابي بالرغم من رفض التحويل؟ يرجى الاتصال بالبنك الذي تتعامل معه، وتزويدهم بمعرف المعاملة للتحقيق وحل المشكلة.
الخلاصة في تطبيق انستا باي
من خلال InstaPay بيتيح إدارة حساباتك البنكية والمحافظ الخاصة بيك كلها في مكان واحد وبطريقة اسهل من أي تطبيق بنكي. مش هنا بس الميزة بتاعته التطبيق عبقريته في مدى السهولة في تحويل وإستقبال الأموال بين كل الحسابات والمحافظ بشكل لحظي وبدون رسوم! كمان بيتيح إمكانية طلب أموال من حساب آخر يعني لو عايز من صاحبك 100ج بتبعتله ريكويست بطلب المبلغ ده وبمجرد إنه يضغط على زرار قبول الطلب بيوصلك الرصيد على حسابك البنكي أو الحساب إللي عايز تستقبل عليه فلوسك.
المميز كمان إنه بيعملك إسم مميز زي "example@instapay" يعتبر حسابك الخاص فتقدر تتعامل بيه بدل حساباتك البنكية تقدر تبعت وتستلم عليه! التطبيق بتضيف عليه كل حساباتك البنكية والمحافظ الخاصة بيك عشان تتعامل بيها كلها من مكان واحد! ميزه مهمه وهيا التحويل المالي بين حسابات مختلفه لبنوك مختلفه بضغطه زر بدل تعقيدات ال otp المعتاده.. لسة بجرب التطبيق ولحد الآن مبهر وفعلياً بيمثل تطور رهيب عن أي حاجة سابقة في مجال التعاملات المالية وهيخلي وجع الدماغ بتاع المحافظ وغيرها ملهاش لازمة!
التطبيق معتمد من البنك المركزي ومشترك فيه أكبر البنوك المصرية وأنصحك تشوف موقعهم وتحمله من اللينكات إللي موفرينها عشان متحملش تطبيق تاني شبيه بالغلط.. هما كدا كدا شارحين كل التفاصيل فموقعهم..
